السبت، 26 مايو، 2012

الدنيــــــــــــــــــا مقلوبه !!

يوم من ايامى ...


اليوم اللى  عرفت  فى ان شفيق و مرسى فى الاعاده
.. صدمه عصبيه كبيره عياط انهيار 
 مش عارف انا ليه مضايقه كده !
علشان حق الشهداء ؟
ولا علشان الثوره اللى تعبنا فيها راحت وراح ايامها ؟
ولا علشان حاسه انى انا عايشه فى عالم لوحدى ؟


انا مضايقه وبهيس وبقول كلام ملوش معنى
 ومش عارفه هكمل حياتى ازاى ؟! 


انا بفكر مع نفسى ايام مبارك  انا مكنتش مضراره خالص
كنت باكل
وبشرب
و باخد مصروف عظيم
و بخروج وبتفسح
 و بجيب لبس حلو وساعات بجيب من اديدس كمان =) 
يعنى مكنش ناقصنى حاجه 


انا اشتركت فى الثورة ..!!


علشان حق الناس الغلابه
و فلوس مصر اللى كانت بتتسرق ومازلت بتتسرق من الحراميه اللى مسكه البلد ..


اكمل باقى اليوم..


مش عارفه اتنفس من كتر العياط  حزن بيخنقنى 
كان فى فرح واحده صحبتى قرارت انى هروح و اتبسط و ارقص .. 
اروح الفرح القى الفرح اتلغه !!
 كوميده سوداء من الدرجه الاولى 
مش مهم بقى بس الفرح اتلغه ازاى ؟
بس يعنى ممكن نقول العروسه اطلقت يوم فرحها !


فضلت ماشيه انا وواحده صحبتى فى الشارع بالبس اللى هو كعب وشياكه يعنى 
دخلت الاوبرا و احكى لصديقتى على كل حاجه مضايقنى و اضحك و اعيط فى نفس الوقت
اضحك و اعيط جنان مش طبيعى 
وكل اللى مضايقنى يتحاول فى النهايه بصدمه ان ممكن شفيق يبقى رئيس او مرس !! 


جرينا انا وصحبتى واحنا حافين علشان الكعب كان وجعلنا رجلنا بنجرى ونضحك بصوت عالى زى المجانين 


دخلت على التويتر فى حاله من الهبل اللى موصلتش ليها فى حياتى ....


تويتات على التويتر .. 


  • يسقط الرئيس القادم يسقط الرئيس القادم يسقط الرئيس القادم يسقط الرئيس القادم يسقط الرئيس القادم يسقط الرئيس القادم يسقط الرئيس القادم ! 
  • بنحب مصر من طرف خامس !
  • الحزن فى القلب 
  • التويتر عالم حقيقى ومش حقيقى ! 
  • مش عارفه أنا بكره مصر ولا المصرين !! 
  • انت فين احمدين يا عبيب البى  
  • احمدين انت متعرفش انا بعبك اد ايه يا عبيب البى احمدين احمدين مش بترود ليه احمدين
  • متزعلش من الشعب احمدين اجبهولك فى شوال احمدين يا عبيب البى انت متعرفش انا بعبك اد ايه احمدين
  • طيب اخالد انت كمان متزعلش احبيب البى .. ولا ابوالفتوح ازعل بس مش اوى احبيب البى

  • اعوا ازعل وتفلق احبيب البى ..
  • اعمر جموسه ازعل وموت يا ابن الكلب
  • اخالد انا صوتلك اعبيب البى انا و العيله بتاعتك بس احبيبى متزعلش !
  • اخالد احمدين اابوالفتوح ليه مجمعتوش الاصوات احبيب البى .. بدل الموقف ابن الكلب ده اعبيبى !!
  • طيب ابردعى انا بعبك عب ملوش عدود بجد نعمل ايه ابردعى دلوقتى اعبيب البى ابردعى ابردعى مش بترد ليه ابردعى يا عبيب قلبى فى حد جنبك ابردعى
  • نفسى اترمى فى حضنك ابردعى اعبيب البى =)
  • اشفيق امرسى انا كنت عاقله بس جننتونى اازباله اوسخ انت وهو
  • امرسى اوسخ
  • اشفيق ااوسخ منه
  • اشفيق اشفيق نفسى اموتك واخلص منك اابن الوسخه
  • اناس الحقونى اناس احبيب البى انا بخترف =))
  • والله انا كنت عاقله اناس احبيب البى
  • امرسى انت استبن اعبيب البى ازاى هتكون رئيس اعبيب البى ازاى !
  • اخالد اخالد انا كنت مقاطعه بس نزلت علشان اديك صوتى اعبيب البى وندمانه دلوقتى اعبيبى
  • طيب انا صديقى مقبوض عليه اشفيق اعبيب البى هيطلع ولا هروح معاه اشفيق اشفيق اشفيق هيطلع اشفيق ولا هروح معاه
  • اعبيبى نعمل ايه دلوقتى الناس فكرنى مجنونه اعبيب البى وانا مضايقه بس شويه
  • اشفيق امرسى اشفيق امرسى اشفيق امرسى اشفيق امرسى اشفيق امرسى اشفيق امرسى اشفيق امرسى اشفيق امرسى يالهوى يالهوى اشفيق امرسى ياوكسه ياخيبه اااع 
حاله من الهبل و اللاوعى
 مضايقه وبقول اى كلام
وفى الاخر مش عارفه اضحك ولا اعيط ولا اعمل حاجه
 صمت صمت وحزن داخلى 
واكتئاب على مستقبلى ومستقبل بلدى اللى كان نفسى يكون فيها مستقبل !


نقصانى حاجات كتير فى حياتى معنويه مش قادره اوصلها علشان اكون انسانة سوية !! ... 


كنت بقول لربنا هو انت بتكرهنا ليه .. 


فى ناس شتمتنى وبتقولى انتى بتخرفى 
بس انا عايزه اسأل ربنا تانى هو انا وحشه انا بحبك جدا
وبحاول معملش حاجه غلط فى حياتى


ليه انا مش مبسوطه ؟


عايزه اكون مبسوطه هو ده اللى بحاول  اعمله


ومش عارفه 
كل حاجه بتأثر فيا
 طيب متولع مصر ويولع المصرين
واعيش انا و اتبسط و اشوف حياتى ! 
شفيق يمسك ولا مرسى بلا قرف هما اللى اختاروا القرف هما اللى عملوا فينا كده 


المصرين مش بيحبوا الثوره !


مش حاسين بالناس اللى ماتت 
و ناس االلى فى السجن دلوقتى علشان نعيش فى بلد محترمه !
انتوا متستهلوش حاجه انتوا عبيد 


اانا بكرهكم يا مصرين كلكم !!


 علشان عملتوا كده فيا وفى كل واحد كان نفسه مصر تكون بلد محترمه
بلد يكون لينا فيها مكان وشغل ومستقبل
اخترتوا شفيق خلاص هو ده اللى اخترتوا هو ده اللى هيخلى مصر زى ما احنا عايزين
حاسه انى مليش مكان فى البلد نفسى اسيبها و امشى 
الاحباط مالى القلب !! 
االدنيا مقلوبه ومش عايزه تتعدل !!





شــــــــــــــــــــــــكرا يا مصــــرين ياللى كرهتونا فى مصر =(

الاثنين، 21 مايو، 2012

مش بيشوف النــــــــــــــــــور

طول عمرى مش بقتنع ان فى صداقه  كامله بين الولد والبنت
 مش علشان عيب ولا علشان الكلام ده اكيد  ..
بس الفكره انى شايفه ان فى حاجه طبيعيه ممكن تخليهم يفكروا  يحبوا بعض .. 
وانا شايفه ان الصداقه لازم تكون صداقه قويه مفهاش اى تفكير عاطفى .! 
مش سهل انك تلاقى صديق ليك  بجد
او صديق  للنهايه
 ممكن لو صاحب او ارتباط يبعد عنك غصب عنه او العكس .. 

علشان كده الصداقه بين اى ولد وبنت

صداقه مؤقتة ..! 

بس الولد الوحيد اللى ممكن اقول عليه انه صديقى بجد هو ( محمود )
 عمرى ما اخاف انه يحبنى او انى احبه لان اللى بينا اكبر من كده 

حتى لو هو اتجوز و انا اتجوزت هنقضل اصدقاء وانا وثقه من كده ..

مش بحب اقول على اى صديق اخويا  لان انا معنديش غير اخ واحد بس  (محمد) .. 

لكن محمود اللى مفتقداه دلوقتى عده كل المراحل اللى فى الدنيا مش اخويا ولا صديقى
 هو حاجه جديده من المشاركه فى الحياه ..

صديق بمعنى الكلمه .. 

ساعات يكون ابويا اللى بيخاف عليه..
وساعات يكون ابنى اللى بخاف عليه ..
وساعات بيكون اخويا اللى بيرخم عليه... 
وصديقى اللى بعيطله فى التليقون لما بكون مضايقه...
انسان متكامل بالنسبالى بحبه من كل قلبى جزء اساسى فى حياتى 

مش هنسى انه خلانى اغنى و اعمل الحاجه اللى كان نفسى اعملها =))
انا اصلا صوتى وحش بس هو طلعنى على المسرح ودربنى على اغنيه وغنتها وناس سقفولى بصوت عالى =)) 

مش عارفه ليه انا عايزه اكتب على  محمود بس حاسه انى مفتقداه اوى نفسى اشوفه
ويمكن دلوقتى الكتابه بتريحنى اكتر من اى حاجه ...! 

 اجدع  واحد انا شوفته فى حياتى ...

دلوقتى مش موجود  ...

محبوس علشان بيحب مصر وطول الوقت بيحاول تكون بلد نظيفه 
محبوس زى اللى عمله جريمة 
و الجريمة بتاعته انه واحد بيحب مصر 

هى دى التهمه ! 

بينزل فى كل حاجه وبيحاول طول الوقت
 بيكتئب لما يحس ان مفيش امل 
وبيرجع تانى ويكمل... 
عمرى ما شوفت واحد عنده وطنيه زيه 
ومش مشهور زى اى ناشط سياسى ومش عايز يكون مشهور
هو شايف انه بيعمل اللى عليه
بيجى القاهره من غير تفكير لو فى حاجه 
وهو اصلا من الســــــويس بلد الابــــــــــــطال ..  

من الناس اللى ممكن تفدى مصر بروحها 

بس هو دلوقتى  محبوس
 مش بيشوف النــــــــــــــــور ..



 علشــــــــــــان بيحــــــــب مصر ..