الثلاثاء، 31 يناير، 2012

تحــــــــــــــــرش جوايا


اخترت عنوان غريب انا نفسى مش عارفه يعنى ايه تحرش جوايا بس حسيت ان ده اقرب معنى ممكن يعبر ع اللى جوايا   ...

انا بخاف من التحــــــــــــرش

يمكن علشان حصلى كتير
او يمكن علشان بدمر لما حد يلمسنى ؟!
بحاول افهم انا ليه الموضوع مأثر معايا كده ؟!
بحاول افتكر انا ليه بخاف وانا ماشيه لوحدى ؟!
لما بكون فى زحمه بحس ان كل الناس اللى حوليه  هتتحرش بيه
ولما بكون ماشيه لوحدى بقعد أتلفت حوليه زى الحرمية وبحس  ممكن حد يجى من ورائى ويلمسنى
ليه الموضوع وصل معايا بشكل ده ؟!
                                                    ليه ؟!!!!!

ده السؤال اللى بقالى كتير بدور على الاجابه بتاعته
قاعده مع نفسى وقاعده افتكر ايه اللى جرالى يمكن اقدر اعالج نفسى

انا بروح تقريبا كل الاماكن من وانا صغيره لوحدى
كنت بلعب كره سله وانا عندى تقريبا 8 سنين
وانا اصغر اخواتى اخويه وصلنى  مره واحده النادى ومحدش كان فاضى يوصلنى بعد كده

 انا حبيت اوى كره السله وستمريت اروح النادى كنت فى ثالثه الابتدائى بظبط
انا بفتكر.... 
بفتكر ايه اللى حصلى لما ابتديت اتعامل مع الناس فى الشارع !!
كونت بركب ميكروباصات لان اسرتى اسرة متوسطة الحال
يعنى مش هينفع اركب تاكسى كل تمرين  ..

اول موقـــــــــــــــــــــــــــــف
 بفتكروا دلوقتى وانا مصدومه
كنت راجعه من التمرين ومبسوطة جدا لابسه بدى اصفر فاكره الموقف اكنوا دلوقتى  كنت فى ثالثه ابتدائى
قاعدة جنب  راجل اد جدى  ...مكنتش  فاهمه يعنى ايه حد يعملى حاجه كنت صغيره صغيره اوى !!
راح الراجل اللى اد جدى ده حط ايده على راجلى وبعدين على صدرى اللى لسه بيطلع  !!
مكنش لسه عندى صدر بس هو حط يده على صدرى 
 وانا قاعدة اشيل ايده بمنتهى البراءه و هو يحطها تانى على صدرى وعلى رجلى
نزلت من الميكروباص بعيد عن بيتى وقاعدة اجرى فى الشارع واعيط بشكل هستيرى اكينى  حد ضربنى

 انا مكنتش فهمه ايه اللى حصلى فعلا 
كنت حاسه احساس مضايقنى او احساس ان حد جرح  طفولتى البريئه
يمكن اكون حكيت الموضوع ده لاختى بس مش بنفس الطريقه او مش  بنفس التفصيل دى
علشان انا مكنتش عايزه افتكر اللى جرالى !
بس لازم اواجه نفسى يمكن مخفش تانى وانا ماشيه فى الشارع ..

تانى موقـــــــــــــــــــــف
كنت راجعه برضه من النادى و  النادى بتاعى فى شارع ضلمه شويه
 بس الموقف ده كنت كبرت شويه يعنى عرفت يعنى ايه تحرش كنت فى 5 ابتدائى كبيره يعنى كبيره اوى =)
وفكره الموقف اكنوا دلوقتى برضه
كان فى الشتاء فى عز البرد ولابسه جاكيت لونه بينك
وماشيه وبمد بسرعه اوى علشان انا اصلا بخاف من الضلمه
مره واحده لقيت ولداين يعنى فى سن 19 او 18 مثلا  كبار اوى بنسبالى
اعدى الشارع يعدو ورائى ابتدات اجرى راح واحد منهم جرى ورائى
 وراح مسك صدرى الصغير اللى مش باين من الجاكيت !!

وانا زى المجنونة بنـــــــــادى على اخويه اللى مش موجود بنـــــــــادى بصوت عالى  جدا
و الولد يقولى خلاص بعد ايه اعت اجرى عكس الطريق اللى المفروض امشى منه و انا بعيط عياط هستيرى و بنادى على اخويه
لحد مالقيت كابتن من النادى قالى :  مالك  فى ايه ؟
مردتش احكيله على اللى جرالى طبعا كنت مكسوفه
قولتله  : كان فى عيال بيجروا ورائى  
راح قال:  طيب حد عملك حاجه
 انا قولت لنفسى  هقول ازاى ان حد مسك صدرى ازاى !!!
فقولتله : كانوا عايزين يسرقونى
قولت كده وانا مضمره بمعنى الكلمة
حتى لما روحت قولت كده لبابا لانى كان شكلى معيط  وكنت خايفه لما يعرف الحقيقه ميودنيش النادى تانى

بفتكر!! بفتكر ايه اللى حصلى خلانى كده طيب ليه انا كان بيحصلى كده مفيش سبب
بس انا عايزه مخفش تانى عايزه امشى وانا مستريحة
محتاجه احس بالامان انا مش حاسه بالامان   !!

الموقفين دول حصلولى وانا صغيره اوى

فكرهم اكنهم امبارح مش قادره انساهم .. بس كنت دفناهم جوايا
فاكره نظرات الولد وهو بيقولى ( بعد اية ماخلاص ) وفاكره الراجل العجوز اللى اد جدى كان بيلمسنى ازاى
 لازم اكون طبيعيه 
بس اكون طبيعيه ازاى وانا بيحصلى كده لحد دلوقتى ..

 طيب هما الناس مش بيتغيرو ؟
طيب انا مش عارفه اعمل ايه انا لما بركب ميكروباص لحد دلوقتى  بكون خايفه لحد يلمسى
 بتحرك زى المجانين لدرجة ان لو حد فعلا مش هيعمل حاجه بحسسة انى خايفة
 لما بكون ماشيه فى شارع لوحدى ولقى راجل ببعد زى العبيطه  او بمد بسرعه جدا
 بكون خايفه  قلبى بيدق و مش قادره اخد نفسى...
 لدرجة ان اصحابى البنات بيتريقو عليه من كتر ما الموضوع مأثر عليه بشكل كبير
ايوه انا بخاف وانا ماشيه فى الشارع لوحدى
ساعات بتمنى لو القى ولد صديقى ساكن جنبى علشان يوصلنى
لدرجة انى حسيت ان شغلت الرجاله  
اللى اعرفهم  الحمايه واللى معرفهمش التحرش  بس !!

بس دلوقتى انا مش عارفه انا صح انى فكرت نفسى بكل ده !
مش عارفه كنت اسكت وافضل خايفه
طيب ما انا كده كده لسه بخاف من كل ده
 والناس مش هتتغير
مش عارفه !
الحل انى مثلا امشى براجل اكيد مش ده الحل
انا على طول بمشى لوحدى لازم احارب مش هسكت
الحل انى اتكلم واعـــلى صـــــــــوت



بس بجد نفسى اعيش فى امان ..









هناك 19 تعليقًا:

  1. مجتمع كامل يحتاج للشفاء
    الذكور من الجهل
    و الاناث من أذى التحرش
    أتألم بشــــــــــــــده :(
    و الأمل في اعادة توزيع ادوار الجاني و الضحية

    ردحذف
  2. أنت إنسانة شجاعة وجريئة وأتمنى أن كتاباتك تلاقى صدى للأسف الموضوع مش سهل أبداً لأن دى حاجة بيعملها الشباب من سن صغير فى المدرسة وبتتطور معاهم وبتبقى جزء من حياتهم وتغيير السلوكيات مسألة مش سهله أبداً معظم الأولاد دول بيكونوا من مناطق شعبية مفيهاش أبسط الخدمات وعايشين حياة غير آدمية وبيشوفوا أهاليهم فى مواضع مخله يعنى بإختصار عايز أقول إننا إذا ربينا الأطفال تربية غير ادمية فى مجتمع غير آدمى فالمنتج النهائى مش هيكون بنى آدم هيكون حيوان معندوش أدنى فكرة عن حقوق الغير والحريات أنا ما قدرتش أكمل النوت بتاعة موقع إباحى وبعدها كلمت أختى وسألتها إذا كان الكلام دا مبالغ فيه والمفاجأة انها قالتلى لأ دا العادى خاصة الكلام اللى بخصوص شارع خاتم المرسلين لأن مدرستها كانت هناك طبعاً مقدرتش أسألها بالتفصيل لأن الموضوع محرج بس نفسيتى زفت من ساعتها - الله المستعان

    ردحذف
    الردود
    1. مفيش بنت محصلهاش كده ... بس الفكره انى صعب اروح اقول لاخويه انى بيحصلى كده علشان انا عارفه انه مش هيستوعب او هيضايق اوى زيك كده... وانا عارفه ان دى مشكله مجتمع اكتر من اشخاص ..
      كل اللى اقدر اعمله انى اطلع اللى جوايا

      حذف
  3. bosi ana shoft el link bta3k through sherine thabet w el fekra b2a en ana 3arf en fi ta7rosh w kter bas 3arfa ana mkontish mot5yl el modo3 awi keda 5ales b2a bgd 5ales

    ele 3aiz aolholk b2a enty agd3 mn ay ebn 60 kalb ymd edo 3aleke keber so3'yer b2a bgd w ana mesh 3arf ezai n3ml support y3ni kshbab 3iza el modo3 dh yo2f bas sd2ene ana baw3dk en lo 7asal odami 7aga zai keda est7ala haskot w ba3tzrlk lo ana shoft wa7d by3aks wa7da w sktlo (el 7dl mshoftsh ta7rosh) ahm 7aga e3rfo enko belnsbalna agd3 mn ay ....... fi ele by3ml keda mesh 3aiz a2ol argel 3lshan mtb2ash ehana leko ana mesh 3arf ana leh b2olk keda bas 7aset ene lazm t7so ene mesh kolna mo2rfen keda w lazm n3tzrlko en e7na kona bnskot

    ردحذف
    الردود
    1. شكرا على الكلام ده فرق معايا اوى بجد =)

      حذف
  4. انا ولد عندي 18 سنة ! مش عارف لية من يومين و الموضوع دة ماثر علي اوي ! عشان مش كنت متخيل انة بالانتشار دة انا من كتر ما قاريت حاسس ان كل بنت بتنزل لازم يتم التحرش بيها ! و نفس الوقت حاسس بالزنب اوي مش عارف لية ! ممكن عشان فية اوساخ بيعملوا حاجة زي كدة و محسوبين علي ان هما رجل من نفس جنسي ! و ممكن ان انا ابقي ماشي في الشارع و بنت تفتكر ان انا ممكن اعملها حاجة او تخاف مني عشان مبقتش حاسة بي امان ! و العيب طبعا مش علي البنت العيب علي ولاد ستين ...... الي بيعملوا كدة في بنات الناس

    ردحذف
    الردود
    1. انت مأثر معاك .. وانا مدمرنى .. بس الكلام بتاعك فرق معايا .. زى ما فى ناس وحشه اكيد فى زيك كتير

      حذف
  5. انا مش متخيل ان الحكايه كتير اوي و منتشره كدا انا مصدوم في في الي بيحصل دا الي مضايقني اكتر اني محسوب على فئه وسخه كدا يعني من الاخر ممكن بعد كدا اقعد جنب بنت صدفه تشتمني و احس انها مش طيقاني ما هو حقها بدل ما فيش امان حقها بدل ما في اوساخ متزعلوش حقكم عليا
    ولد

    ردحذف
    الردود
    1. لا احنا بنحس بالناس اللى حولينا لو كويس او مش كويس بس الفكره ان اللى مش كويسين كتير اوى دلوقتى ..
      شكرا على كلامك =)

      حذف
  6. 3ayza a2olek en nafs el mawkef da t2reban 7asaly wana f 5 ebtda2y w kont ray7a el dars lwa7dy w l2eet wa7ed mashy waraya w 7atet edo 3lya w el msohkla en mafeesh 7ad mashy f el share3 7awel yhz2o aw y3melo ay 7aga sa3etha 5oft awy w tl3t agry w b2eet mahsya a5bat f el nas l7d ma etament en hwa mshy w mn b3dha wana b5af amshy lwa7dy wana dlw2ty 3ndy 19 sana w lsa 3ndy el 3o2da dy l7d dlw2t w b5af mn ay 7ad y2rab mny w kol ama aroo7 f 7ta lazem a5od taxi 7ata lw kanet el msafa so8yara l daraget en as7aby bytry2o 3lya w y2ololy bta5dy taxi leeh da enty lw geety mashy msh hta5od mnek aktar mn 5 d2ya2 bs ana b3mel kda 34an a7my nafsy madam ana msh l2ya 7ad y7meeny w bgd f3lan 7asby allah w ne3ma el wakeel f ay 7ad by3mel kda f bnt

    ردحذف
    الردود
    1. ... انا هقولك حاجه انا عندى 21 ولسه بيحصل فيا كده و الموضوع زى ما انتى شايفه مقصر فيا جدا ..
      بس مش ده الحل ..
      الحل ان احنا نعمل اللى احنا عايزينه ادام مش بنتعدا على حريه حد .. اخرجى و اتبسطى .. واكيد هيجى يوم وتحسى انك حره فى بلدك =))

      حذف
  7. تقريباً مفيش بنت دلوقتي مبيحصلهاش كده .. بس لازم كل بنت تاخد قرار ان لو حد جه جمبها انشالله تصوت و تلم عليه الناس و تشيل من دماغها فكرة انها تسكت ! و لو قدرت ترفع عليه قضية كمان ... مفيش حل غير كده لأن الصمت بيساعد على انتشار الظاهرة دي اكتر

    ردحذف
    الردود
    1. مفبش قانون بيحمى البنت ... المجتمع بيطلع البنت هى اللى غلطانه لبسه ايه وماشيه ازاى !!

      حذف
    2. هي دي فعلا المشكله إني ببقي نفسي أصوت أو أشتمه أو أعمل أي حاجه اللي بيها ألفت نظر حد عشان يحميني بس المشكله إن أنا بتكسف أعمل كده عشان محدش يعرف أنا حصلي إيه و خصوصا لو كان فيه أكتر من شخص في الشارع هلاقيهم كلهم سابوا اللي عمل كده و هيقفوا يتفرجوا عليا أنا فبضطر أسكت و أقول الحمد لله محدش شاف حاجه .. و علي فكره أنا كمان لسه بيحصلي كده لحد دلوقتي لدرجه إني في العيد أو في أي مناسبه الناس بتتجمع و بتخرج و تتفسح فيها بفضل حابسه نفسي في البيت عشان ميحصليش أي حاجه و قبل كده حصل الموقف ده لأختي و أنا كنت معاها و الشخص اللي لمسها كان راكب عجله و ياريتو عمل كده مره و خلاص لأ عمل كده أكتر من 3 مرات و كان فيه ناس في الشارع كل اللي عملوه أن هما وقفوا يتفرجوا علينا و محدش فكر بس يعمل أي حاجه للأسف لدرجه أن أختي لحد دلوقتي بتترعب لو حد عدي من جنبها و كان راكب عجله أو موتوسيكل

      حذف
  8. أزال المؤلف هذا التعليق.

    ردحذف
  9. موقع اباحي ... حلول

    http://www.facebook.com/note.php?saved&&note_id=435466836466992

    ردحذف
  10. على فكره. كويس انك بتكتبي .. رغم عدم اقتناعي قبل كده بالكتابه فقط ، لكن واضح انه جايب نتيجه ولو بسيطه! صعب ان الكلام ده يووصل للعيال اللي بيتحرشوا بدرجات بجاحه عاليه حيث انهم زمانهم في الشوارع دلوقتي .. انا لو كتبت بالمره زي مانتي عامله كده مش هاخلص.. مفيش ورق هايكفي ومافيش اي حاجه هاتكفي... انا بقالي 25 سنه بيتحرش بيه جميع انواع الرجال من صغار لكبار -كل يوم! .. وفي عدة محافظات من صعيد لبحري لاسكندريه .. وانا عمري 30 سنه بالمناسبه! ايوه 25 سنه تحرش!! في الشارع وفي الشغل وكل حته!!

    ردحذف
  11. دا هو الحل والمفروض ان البنات تبدا تواجهة مش تسكت لان احنا عندنا فى مصر عقليات استغفر الله العظيم انا ساعات كتير بكون ماشى لوحدى فى الشارع بليل بكون بردة خايف من الناس بس علشان مش يثبتونى

    ردحذف
  12. انتي كنتي ضحية و مالكيش ذنب....أنا بعد ما أريت مدونة (ياسمين مدكور) و (شرين ثابت) معرفتش أنام و حاسة اني خايفة خايفة أوي....بس كتبت أنا كمان نت عشان أطلع إلي جوايا
    https://www.facebook.com/notes/k%C3%B6uki-k%C3%B6ukiz-francophone/%D9%8A%D8%A7-%D8%B9%D8%B2%D9%8A%D8%B2%D9%8A%D9%83%D9%84%D9%83%D9%85-%D8%AA%D8%AA%D8%AD%D8%B1%D8%B4%D9%88%D9%86/261108350651946

    يا عزيزي....كلكم تتحرشون

    ردحذف